Realme 3 Pro Me Kya ho sakta hai? Ek Analysis Jarur Padhiye

Assalamu Alaikum Dosto,

is Smartphone market me Aag lagi hui hai aur agar koi rule kar raha hai to wo bus do hi brands hai.

Xiaomi aur Realme. Waise Samsung bhi list me aane wala hai but abhi Delhi door hai.


But Xiaomi ne jaise hi launch kiya Redmi Note 7 aur Redmi Note 7 Pro, Market me tahalka sa ho gaya, Snapdragon 660 ko unhone 10000 ke niche laya aur Snapdragon 675 ko sirf 14000 me. Aisa laga ab kaun si brand hai jo compete karega?


But Realme ne bhi ek deserving phone ko launch kiya helio P70 ke sath 9000 ke andar me jo Redmi Note 7 ko Kadi takkar de raha hai but fir bhi Redmi Note 7 Pro ko takkar dene ke liye abhi tak koi Paida nahi hua.


Lekin Realme ne apne launch event me ye tease kiya ki Realme 3 Pro April me aane waala hai aur wo kaafi jyada Performance ke liye hoga speed ke liye hoga. Aise me unhone ise Redmi Note 7 Pro se bhi compare kar diya aur kaha ki isse bhi behatreen hoga. To kaafi log soch me hai ki aakhir kya hone wala hai Realme 3 Pro me.

To ye Raha mere kuch Analysis jo mujhe lagta hai ki aisa ho sakta hai.


Dekhiye dosto, Current market me logo ko Processor ki bahut hi jyada demand rahti hai, Agar processor tagda mil jaaye kamm price me to bhai kya baat ho. To aisa hi kuch karne jaa raha hai Realme.

Jab Techno Ruhez ne Madhav Seth se unke interview me pucha ki Realme 3 Pro me kya Snapdragon 710 ya 712 aisa kuch hoga. Madhav seth ne haste hue sir ko hila daala. Ab isse mujhe aisa laga jaise Nahi ye log Snapdragonn 710, 712 ya 675 ko istemal karna nahi soch rahe hai.


Kyunki dekhiye, Agar wo log Snapdragon 675, 710, 712 jaise processor ko istemal karte hai to fir bhi Redmi Note 7 Pro inse behtar perform kar jaayega kyunki unme 48MP ka hype wala camera bhi hai sath hi sath Gorilla Glass 5 front and Back dono me, aur 4000mAh ki battery. 

Aur Realme abhi itni badi company nahi hui hai ki wo Glass back design ya 48MP ka camera de sake, kyunki unka infrastructure bhi abhi update nahi hua hai jo aise chijo ko built kar paaye. Aur itna kuch agar wo kar bhi lete hai to bhi Realme Xiaomi se Compete hi kar sakta hai but aage nahi nikal sakta.

To Realme ko kuch aisa Karna hoga jisse wo Redmi ko Kill karde Performance ke maamle me atleast bhale hi design aur Camera uska unique selling point na ho, par Processor agar tagda rakha unhone to fir Xiaomi ki watt lagg sakti hai.


To aise me mere dimag me ek hi Processor aati hai, Snapdragon 845 ka istemal kiya jaaye sirf 15 hazar ke andar me. Sunne me impossible sa lagta hoga but ye Processor ab Purana ho chuka h but abhi bhi 2nd best Smartphone Processor hai ye. Aur Poco phone ke release ke baad ye Processor aur bhi jyada highlighted hai.


Ab dekhiye dosto, Agar Realme 3 Pro aaye Snapdragon 675, 710 ya 712 ke saath to ye sirf Redmi Note 6 Pro, Redmi Note 7 Pro se Compete kar payega.

But agar Realme 3 Pro aa jaye Snapdragon 845 ke sath to chahe iski design acchi ho ya na ho, Camera accha ho ya na ho, ye fir bhi Kill kar dega Redmi Note 7 Pro ko aur sath hi sath Poco Phone ko bhi kill kar dega. Matlab ek teer se do nishana.

Aur ye Cheapest Snapdragon 845 wala phone bann jayega. Aur Snapdragonn 855 release ke baad 845 ki pricing bhi Kamm ho gayi hogi jisse Realme apni Cost bacha kar 15K ke andar is Processor ko laa sakta hai aur Market me tabaahi sa laa sakta hai.

Agar aisa hua to mera Full Support rahega Realme ke liye kyunki ye sach me Bawaal ho jaayega.

Mere kuch Specifications hai jo mai aapse share karna chahta hu Realme 3 Pro ke baare me.


6.2in FHD+ IPS Display with Water Drop Notch

Gorilla Glass 3

Plastic Body with Glossy Gradient Finish

Qualcomm Snapdragon 845 Octa Core Processor

6GB / 8GB Ram

64GB / 128GB Storage

12MP + 5 MP Back Camera

13MP Front Camera

4230mAh Battery

USB Type-C

Quick Charge Support

Android Pie


Price

6GB - 15K Rs.

8GB - 18K Rs.

Bus dosto, isse jyada mai kuch nahi maang raha, ek Deserving phone 15K ke andar agar aise Specifications ke sath aaye to sach me Bawaal ho jaaye.


I hope Realme aisa kuch Kamaal kare aur Redmi, Xiaomi, Poco sabko ek hi baar me Kill kar de.


Aasha hai aapko ye Article padh ke maza aaya hoga.

Aise hi Jabardast Analysis ke liye humare Website ko Bookmark kar lijiye.


Shukriya.

Post a Comment

1 Comments

  1. https://gadgetmasterji.com/oneplus-7-price-spec-india-hindi/

    ReplyDelete