Mi Dual Driver Earphone Unboxing & Review

Assalamu Alaikum Dosto,

Mujhe Pata hai, Log Meri Videos dekhne ke baad Yahi comment karenge ki Xiaomi ka Chamcha aa gaya..

Aur ab baar baar apne aap ko Honest prove karne ka koi fayeda nahi, isliye maine khud hi likh diya hai ki Xiaomi ka Chamcha Reviews Mi Dual Driver Earphones.

Kyunki Views to Waise bhi Nahi aate the

Views to aise bhi nahi aayenge..

So Baat Kar lete hai iske Box Pack ke baare me, To Kaafi Simple sa Traditional sa Box Diya Gaya hai aur Piche Kuch Specifications likhi hui hai.

Box Ke Andar ek Chhota sa Pouch Milta hai jisme Earphone hai, Alag Alag Sizes ke Eartips aur Ek Intruction Manual Mil jaata hai.

Earphone ki Quality Bahut hi Acchi hai,

is Baar Xiaomi ne Wire ki Quality bahut hi jyada Improve kiya hai, Half Wire Braided hai aur half Normal wire hai par Thin nahi, kaafi accha durable hai.

Wire Bending Protection ke liye bhi acchi khaasi covers corner me diye gaye hai.

L Shape ka Connector hai, Aur Earphones bhi Kuch degrees pe mude hue hai.

Isme 3 Buttons Mil Jaate hai, Jisse Volume ko Upar Niche, Gaane ko Aage Piche aur Calls ko Daaye Bye Kar Sakte hai..

Waise jo wire Buttons ke Andar Jaa rahi uske liye koi protection cover nahi diya gaya hai..

Earphones ki Quality Sturdy hai, Almunium ki Casing Mil Jaati hai aur Piche me aapko Magnets bhi diye gaye hai Jo Kaafi Acche se Chipakk Jaate hai..

Look Wise, Metal Casing Shiny nahi hai, isliye ye aur bhi jyada premium lagta hai, aur fingerprints bhi nahi padte, Piche Magnets pe kaafi acche patterns bane hue hai jo ise aur bhi unique look deta hai..

Metal hone ke karan Earphones thore se thick hai, Waise to Fitting Kaafi Acchi hoti hai, Par Kyunki ye Dual Driver hai, iske Upar ka Hissa Kaafi Bada hai, jisse mujhe der tak istemal karne me mere Kaano me halka dard hua.

Waise Dard Bahut Jyada nahi tha, Par kyunki Mai Chamcha hu to Socha apko bata du..

Ek aur Cheej Acchi lagi, iske Earbuds bhi aise diye gaye hai ki aapke Kaan ka Kachra Audio Driver tak na Pahunche..

Ab Baat Karte hai Sound Quality ki..

do do dynamic drivers diye gaye hai, Ek Driver 10mm ka hai aur dusra 8mm ka.. in dono drivers ki madad se hume kaafi Acchi Quality ki Audio milti hai. Aur ek Bahut hi Khubsurat Balanced Sound ka Maza aata hai.

Pichle Mi Earphones se meri Shiqayat thi ki unme Treble bahut jyada hota tha jisse loud volume pe Pain hota tha, is baar unhone is cheej ko fix kar diya hai. aur Musical Separation Bahut hi Jabardast kar diya hai..

Bass Bahut hi Accha hai, Treble bhi Accha hai, Vocals Sharp aur Clear hai.. Hi-Res Audio ko sunne ka isme alag hi Maza hai.

799 Rupaye me yahi ek aisa Earphone hai jo Dual Driver ke sath aata hai aur Sach me yeh ek Premium Sound ka Experience Karata hai..

Maine ise Pahen kar Games bhi Khela, PubG me hum left right enemies aasaani se spot kar paate hai Aur Volume itna high hai ki door ke footsteps bhi sunaai deta hai.

Aur is Earphone me Noise Cancellation bhi Tagda wala Hota hai, So Outdoor me Apko Environmental Noises sunaai nahi denge..

Finally Maine Call par bhi Kaafi der baat kiya aur Microphone ki Quality bhi Normally Acchi thi, Saamne wala meri voice aasaani se samajh paa raha tha..

Meri Raaye me ye 800 Ke Andar Ya 1200 ke Andar One of the Best Earphone hai Jo aap Abhi Buy Kar Sakte hai..

PROS -

STURDY BUILD QUALITY

NON TANGIBLE BRAIDED WIRE

THREE CONTROL BUTTONS

SUPERB AUDIO QUALITY

MAGNETIC BACK

CONS -

LITTLE PAIN DUE TO THICKNESS

WIRES ENTERING INTO BUTTONS HAVE NO COVERS